काठमाडौं । देशको राजनीतिक संक्रमण झन् गहिरिँदै गएको समयमा, जब अन्य राजनीतिक दलहरू आन्तरिक विवाद, निर्णयहीनता र सत्ता समीकरणको खेलमै अल्झिएका देखिन्छन्, त्यहीबीच नेकपा एमाले भने सडकबाटै स्पष्ट राजनीतिक दिशा र समाधानको मार्गदर्शन गर्दै राजधानीको भृकुटीमण्डपमा आज शक्ति प्रदर्शन गर्दैछ।

एमालेले वर्तमान राजनीतिक अस्तव्यस्तता र दलगत कमजोर नीतिगत क्षमताका कारण देश दिशाहीन बनेको आरोप लगाउँदै आएको छ। त्यसै सन्दर्भमा सभामा पार्टीका शीर्ष नेताहरूले संसद पुनःस्थापना, स्थिरता र सुशासनमार्फत देशलाई नयाँ मोडतर्फ लैजाने कडा राजनीतिक उद्घोष गर्ने तयारी गरेका छन्। पार्टी नेतृत्वका अनुसार अब मुलुकलाई उल्झन, षड्यन्त्र र अस्थिरताबाट बाहिर निकाल्ने जिम्मा एमालेले नै बहन गर्नेछ।

भृकुटीमण्डपमा बढ्दो उत्साह, दह्राे सहभागिता र सडकमै देखिएको जनसंकल्पले एमालेले मुलुकमा वैकल्पिक–नसक्ने राजनीतिक शक्ति हो भन्ने सन्देश ठूलो रूपमै बाहिरिएको देखिन्छ।