काठमाडौँ । नेकपा एमालेले पार्टी छाडेर अन्यत्र गएका नेताहरूलाई पुनः महाधिवेशन प्रतिनिधि बनाउने निर्णय गरेको छ।
बिहीबार बसेको सचिवालय बैठकले ‘घर फर्क अभियान’ अन्तर्गत विभिन्न वामपन्थी समूहबाट फर्केर एमालेमा आबद्ध नेताहरूलाई विशेष निर्णयमार्फत महाधिवेशन प्रतिनिधि बनाउने जानकारी उपमहासचिव प्रदीप ज्ञवालीले बैठकपछि दिएका छन्। ज्ञवालीका अनुसार, “विभिन्न समूहबाट आएका र अहिले कमिटीको केन्द्रीय समितिमा रहेका नेताहरूलाई प्रतिनिधि बनाउने विशेष निर्णय गरिएको छ।” केही समयअघि मात्रै रामकुमारी झाँक्री र किसान श्रेष्ठ एकीकृत समाजवादी पार्टीबाट एमालेमा फर्किएका थिए।
एमालेको महाधिवेशन मंसिर २७ देखि २९ गतेसम्म काठमाडौँमा आयोजना हुँदैछ।
प्रतिक्रिया