जनकपुरधाम । मधेश प्रदेशका सभामुख रामचन्द्र मण्डलविरुद्ध पदअनुकूल आचरण नगरेको भन्दै दर्ता भएको प्रस्तावमाथि छलफल गर्न आज प्रदेशसभा बैठक बस्दैछ। प्रदेश सभा सचिवालयका अनुसार बैठक दिउँसो १ बजेका लागि आह्वान गरिएको छ।
बैठकमा सहभागी हुन प्रदेशसभा सचिवालयले सामाजिक सञ्जाल समूहमार्फत सूचना पठाएको छ। कात्तिक २७ गते सात दलीय गठबन्धनका ६४ जना सांसदले सभामुख मण्डलविरुद्ध प्रस्ताव दर्ता गराएका थिए, जसको एक साताभित्र सदनमा छलफल गर्नुपर्ने कानुनी व्यवस्था छ।
उपसभामुख बबिता राउत ईशरको निर्देशनमा बैठक बोलाइएको हो। सात दलका ३२ प्रदेश सांसदले मंगलबार नै बैठक बोलाउन उपसभामुखलाई ज्ञापनपत्र बुझाएका थिए।
प्रतिक्रिया