काठमाडौं । नेकपा (एमाले) केन्द्रीय संगठन विभागको बैठक आज च्यासलस्थित पार्टी कार्यालयमा सम्पन्न भएको छ। विभाग प्रमुख काशीनाथ अधिकारीको अध्यक्षतामा बसेको बैठकमा आगामी एघारौँ महाधिवेशनका लागि प्रतिनिधि छनोट प्रक्रियासम्बन्धी तयारी, मापदण्ड र कार्यविधिबारे विस्तृत छलफल गरिएको विभाग सचिव माधव ढुङ्गेलले जानकारी दिए।
बैठकले मंसिर १३ भित्र सर्वसम्मत रूपमा वा आवश्यक परे मतदानमार्फत प्रतिनिधि छनोट कार्य टुंग्याउन निर्देशन दिएको छ। साथै, चयन भएका प्रतिनिधिहरूको विवरण मंसिर १५ भित्र पार्टी केन्द्रीय कार्यालयमा अनिवार्य रूपमा बुझाउनुपर्ने निर्णय गरिएको छ।
नेकपा (एमाले)को एघारौँ महाधिवेशन आगामी मंसिर २७ गतेदेखि काठमाडौंमा सुरु हुनेछ।
प्रतिक्रिया