काठमाडौं । दुर्गा प्रसाईंलाई सोमबार राति भक्तपुरस्थित घरबाट प्रहरीले नियन्त्रणमा लिएपछि नागरिक बचाउ दलले आजैदेखि देशव्यापी आन्दोलन सुरु गर्ने घोषणा गरेको छ।
महामन्त्री प्रेमकुमार थाम्सुहाङले प्रसाईंलाई मध्यराति अपहरण शैलीमा पक्राउ गरिएको आरोप लगाउँदै तत्काल विना सर्त रिहाइको माग गरे। उनले सरकारकै कदमले शान्ति भंग भएको दाबी गर्दै आजै प्रमुख जिल्ला अधिकारीमार्फत ध्यानाकर्षणपत्र बुझाउने बताए।
प्रहरीले प्रसाईंलाई हिंसा भड्काउने अभिव्यक्ति दिएको आरोपमा पक्राउ गरेको जनाएको छ। ७ मंसिरदेखि आन्दोलनको तयारीमा रहेका प्रसाईंलाई नियन्त्रणमा लिएपछि नागरिक बचाउ दलले आन्दोलन अघि सारिएको बताएको छ।
प्रतिक्रिया