काठमाडौं । नेकपा (एमाले) ले संविधान र लोकतन्त्रको रक्षाका लागि आज देशभरका ७५३ वटै पालिकामा जनप्रदर्शन गरेको छ। विघटित प्रतिनिधि सभाको पुनःस्थापना र प्रतिगामी षडयन्त्रको विरोधमा पार्टीले जनपरिचालन कार्यक्रम सञ्चालन गरेको हो।
केन्द्रीय प्रचार विभाग प्रमुख राजेन्द्र गौतमका अनुसार बिहान ७ बजेदेखि सुरू भएको प्रदर्शनमा केन्द्रीय नेताहरू पालिका तहमा परिचालित भएका छन्। कतिपय स्थानमा मोटरसाइकल र्याली र कोणसभा भएका छन्।
गौतमका अनुसार यसअघि वडा तहमा भेला सम्पन्न भइसकेको र अब कात्तिक २९ गते जिल्ला तथा मङ्सिर ६ गते काठमाडौंमा आमसभा गर्ने तयारी भइरहेको छ। एमालेले आजको प्रदर्शनलाई महाधिवेशन प्रचार अभियानको रूपमा पनि लिएको छ।
प्रतिक्रिया