काठमाडौं । नेपाली कांग्रेसको केन्द्रीय कार्यसमिति बैठक आज आइतबार पुनः बस्दैछ। बैठक पार्टी मुख्यालय सानेपामा दिउँसो १ बजे सुरू हुने तय गरिएको छ।
शुक्रबार महाधिवेशन कार्यतालिकामा सहमति नजुटेकाले बैठक स्थगित गरिएको थियो। सहमति खोज्न आजै केन्द्रीय कार्यसम्पादन समितिको बैठक पनि बस्दैछ।
महामन्त्री विश्वप्रकाश शर्मा, गगन थापा र शेखर कोइराला पक्षले पुस १६–१९ भित्र महाधिवेशन गर्न प्रस्ताव गरेका छन् भने सभापति शेरबहादुर देउवा पक्षले वैशाख अन्त्यमा गर्नुपर्ने मत राखेको छ।
१४औं महाधिवेशनका २४८८ प्रतिनिधिले विशेष महाधिवेशन माग गर्दै हस्ताक्षर बुझाइसकेका छन्, तर अधिकांश पदाधिकारी नियमित महाधिवेशनको पक्षमा रहेका छन्।
प्रतिक्रिया