रुकुमपूर्व । रुकुमपूर्वको भूमे गाउँपालिका-१ स्यावालमा अटो दुर्घटना हुँदा दुई जनाको मृत्यु र पाँच जना घाइते भएका छन्।

जिल्ला प्रहरी कार्यालय रुकुमपूर्वका अनुसार शनिबार राति लुकुमबाट ब्राहतालतर्फ जाँदै गरेको रा१ह ६७९७ नम्बरको अटो करिब ३०० मिटर तल खसेपछि दुर्घटना भएको हो।

उपचारका क्रममा भूमे–१ की ३० वर्षीया रेजिना घर्ती र २५ वर्षीया सबिता घर्तीको मृत्यु भएको अस्पतालले जनाएको छ। अन्य घाइतेहरू प्रतीक्षा बुढा, उनका ११ महिनाका छोरा सुभम बुढा, ब्युटी पुन, २ वर्षीया समृद्धि पुन र ३ वर्षीय सक्षम घर्ती सामान्य उपचारपछि डिस्चार्ज गरिएको छ।

अटो चालक भूमे–१ लुकुमका २९ वर्षीय जोते घर्ती दुर्घटनापछि फरार रहेको प्रहरीले जनाएको छ। घटनास्थलमा प्रहरी चौकी लुकुम, इलाका प्रहरी कार्यालय काँक्री र जिल्ला प्रहरी कार्यालयको संयुक्त टोलीले उद्धारकार्य गरेको थियो।