काठमाडौं । काठमाडौं महानगरपालिका र काठमाडौँ उपत्यका विकास प्राधिकरणले काठमाडौंका अतिक्रमित र मापदण्ड विपरीत बनेका संरचना हटाउन सात दिने समय सीमा तोकेको छ।

गत असोज २ गते सम्पन्न संयुक्त बैठकले मापदण्ड विपरीत निर्माण भएका संरचना हटाउने निर्णय गरेपछि, महानगरपालिकाले आज अत्यन्त जरुरी सूचना जारी गर्दै सम्बन्धित व्यक्तिहरूलाई स्वेच्छाले संरचना खाली गर्न वा हटाउन आग्रह गरेको हो। सूचनामा भनिएको छ, “काठमाडौं महानगरपालिका क्षेत्रभित्र र सिमाना जोडिएका काठमाडौं जिल्लाभित्रका सार्वजनिक स्थलमा अतिक्रमित तथा मापदण्ड विपरीतका संरचना नहटाए कारबाही गरी खाली गरिनेछ।”

महानगरपालिकाले ७ दिनभित्र संरचना हटाउन आग्रह गर्दै चेतावनी दिएको छ कि तोकिएको समयभित्र नहटाए कानुनी कारबाही अघि बढाइनेछ।