२०८२, १३ मंसिर शनिबार

वर्षाका कारण पूर्व–पश्चिम राजमार्गको दाउन्ने खण्ड अवरुद्ध

वर्षाका कारण पूर्व–पश्चिम राजमार्गको दाउन्ने खण्ड अवरुद्ध


नवलपुर । लगातारको वर्षाका कारण पूर्व-पश्चिम राजमार्गअन्तर्गत नारायणघाट–बुटवल सडकको दाउन्ने खण्ड आज बिहानदेखि अवरुद्ध भएको छ।

सडक मर्मतका क्रममा एकतर्फी सञ्चालनमा रहेको दाउन्ने खण्ड वर्षाको पानी र हिलोका कारण चिप्लो बनेपछि सवारीसाधन गुड्न नसकेको जिल्ला प्रहरी कार्यालय नवलपुरका सूचना अधिकारी मधु नेपालले जानकारी दिनुभयो। उहाँका अनुसार विनयी त्रिवेणी गाउँपालिका–२ स्थित विश्वकर्मा मन्दिर र घ्युखोला आसपासको क्षेत्र विशेष रूपमा अवरुद्ध बनेको छ। “बिहानैदेखि परेको वर्षाका कारण बाटो हिलो र चिप्लो बनेको छ, जसले गर्दा सवारीसाधन पश्चिमतर्फ जान नसकेका छन्,” उहाँले भन्नुभयो। मालवाहक सवारीसाधन उकालो चढ्न नसक्दा जाम हुन नदिन प्रहरीले नियन्त्रणमा राख्ने प्रयास जारी राखेको पनि उहाँको भनाइ छ।

नेपालमा हाल बंगालको खाडी र अरब सागरमा विकसित चक्रवातको संयुक्त प्रभाव परिरहेको छ। खाडीतर्फको प्रणाली पूर्वबाट र अरब सागरतर्फको प्रणाली पश्चिमतर्फबाट प्रवेश गरेकाले देशका धेरै स्थानमा वर्षा भइरहेको जल तथा मौसम पूर्वानुमान महाशाखाले जनाएको छ।

कोशी र मधेश प्रदेशका केही भागमा आज र भोलि भारी वर्षाको सम्भावना भएकाले सतर्कता अपनाउन सम्बन्धित निकायले आग्रह गरेका छन्।

प्रकाशित मिति : २०८२, १३ कार्तिक बिहीबार  १० : १० बजे

प्रधानमन्त्री कार्की र रास्वपा नेताबीच बालुवाटारमा छलफल

काठमाडौं । आगामी फागुन २१ गते निर्धारित प्रतिनिधि सभा निर्वाचनको

एमालेको ११औँ महाधिवेशनका लागि प्रेस चौतारीबाट सर्वसम्मत प्रतिनिधि चयन

काठमाडौं। नेकपा एमालेको आसन्न ११औँ राष्ट्रिय महाधिवेशनका लागि प्रेस चौतारी

एमाले महाधिवेशनका लागि अनेरास्ववियुबाट सात प्रतिनिधि निर्विरोध चयन

काठमाडौं । नेकपा एमालेको एघारौँ राष्ट्रिय महाधिवेशनका लागि अनेरास्ववियुबाट प्रतिनिधि

जोन सिम्पसनको अर्धशतकमा काठमान्डुले चितवनलाई १४३ रनको लक्ष्य

काठमाडौ । सिद्धार्थ बैंक नेपाल प्रिमियर लिग (NPL) मा काठमान्डु

उज्यालो नेपाल पार्टी घोषणा : मंसिर १७ गते, प्रमुख अतिथि कुलमान घिसिङ

काठमाडौं । नयाँ राजनीतिक शक्ति ‘उज्यालो नेपाल पार्टी’ मंसिर १७