काठमाडौं । नेकपा एमालेको केन्द्रीय कमिटी बैठक दोस्रो दिन बिहीबार सुरु भएको छ। बैठक बिहान आठ बजे सुरु हुने भनिए पनि केही ढिलाइ भएपछि जावलाखेल, ललितपुरस्थित रामबाघ महलमा सुरु भएको एमालेले जनाएको छ।
आजको बैठकमा पनि अध्यक्ष केपी शर्मा ओलीको राजनीतिक प्रस्तावमा केन्द्रीय सदस्यहरूले धारणा राख्ने क्रम जारी रहने बताइएको छ। पहिलो दिन बुधबार ५० जना सदस्यहरूले धारणा राखिसकेका थिए भने आज बाँकी सदस्यहरूले आफ्ना विचार राख्ने अनुमान गरिएको छ। आज करिब एक सय सदस्यहरूले बोल्ने सम्भावना देखिएको छ।
एमाले नेताहरूका अनुसार, सबै सदस्यले धारणा राख्ने इच्छा देखाएपछि भोलि शुक्रबारसम्म बैठक सकिने भनिए पनि बैठक केही दिन लम्बिन सक्ने संकेत देखिएको छ।
प्रतिक्रिया