काठमाडौं । आज (बिहीबार) दिउँसो देशका केही पहाडी भूभागमा हल्का वर्षाको सम्भावना रहेको छ।
मौसम पूर्वानुमान महाशाखाका अनुसार दिउँसो देशका अधिकांश स्थानमा मौसम आंशिक बदलीदेखि सामान्य सफा रहनेछ। विशेषगरी कोसी, बागमती र गण्डकी प्रदेशका पहाडी क्षेत्रमा एक–दुई स्थानमा हल्का वर्षा हुनसक्ने पूर्वानुमान गरिएको छ।
महाशाखाले राति भने देशभर मौसम मुख्यतया सफा रहने जनाएको छ। मौसमविद्हरूका अनुसार हाल देशभर कुनै उल्लेखनीय मौसमी प्रणालीको प्रभाव छैन। त्यसैले सामान्य मौसम परिवर्तनबाहेक अन्य जोखिमपूर्ण गतिविधि देखिएको छैन।
प्रतिक्रिया