काठमाडौं । नेकपा एमालेका अध्यक्ष केपी शर्मा ओलीले अहिले नै पार्टी नेतृत्व नछोड्ने स्पष्ट सन्देश दिनुहुँदै आफूले हट्ने–नहट्ने निर्णय सामाजिक सञ्जालले होइन पार्टीको आधिकारिक संरचनाले मात्र गर्ने बताउनुभएको छ ।

बुधबार बसेको केन्द्रीय कमिटी बैठकमा अध्यक्ष ओलीले पार्टी एकता मार्फत् संघर्ष जारी राख्नुपर्ने र विपक्षीहरूले अस्थिरता उत्पन्न गर्न खोज्ने प्रयासबाट सचेत रहनुपर्ने जोड दिनुभयो ।

ओलीले बैठकमा भने, “कतिपय साथीहरूले मलाई भन्नुहुन्छ–तपाईंलाई त बोकेर जानै सकिँदैन । किन बोक्नुपर्‍योरु म आफैं हिँड्छु ।” उनका यो भनाइमा बैठकस्थलमा हाँसो समेत फैलिएको थियो ।

उनले आफ्नो व्यवहार र निर्णयप्रति आएको आलोचना र लोकप्रियताकै पछि लाग्ने प्रवृत्तिप्रति टिप्पणी गर्दै भने–गल्ती र कमजोरी नगरेकोले सुधार आवश्यक नहुने दाबी गर्छु । तर पार्टीले जे भन्छ, त्यसै मान्न आफू तयार रहेको र थपे–“यो कमिटीले भन्छ भने यसको आदेशमा जुनसुकै निर्णय गर्न तयार छु ।”

अध्यक्षले पार्टीभित्र केही नेताहरू लोकप्रियतावादको पछि लागेको र बाहिरी अखबारबाजी, सामाजिक सञ्जालको प्रभावमा निर्णय नलिनुपर्ने पनि उल्लेख गर्नुभयो । विरोधीहरूले एमालेमाथि व्यक्तिगत आक्रमणदेखि कार्यालय र नेताका घरमा आगजनीसम्म गर्ने प्रयास गरेको आरोप लगाउँदै ओलीले ती घटनालाई निन्दा गर्नुभयो ।

उनले थप्नुभयो–“विरोधीहरू हाम्रो पार्टीमाथि च्यासल गरेको, कार्यालय र नेताहरूको घर जलाएको अवस्था आएको छ। यसरी पार्टीलाई बदनाम गर्ने, चरित्रहत्यामा उत्रिने प्रवृत्ति रोक्नुपर्छ ।”

ओलीले अदालत र राज्य संयन्त्रमाथि भएका आरोप तथा पार्टी र नेतृत्वप्रति सञ्झ्यालबारे उठेका अनेकन अनसत्य आरोपलाई पनि खण्डन गर्नुभयो। विदेशमा पैसा लुकाएको, ठूला लगानी वा अनैतिक क्रियाकलापमा संलग्न भएकोजस्ता निहित दुष्प्रचारको प्रमाण नभएको र ती आरोप झुटो रहेको उहाँको भनाइ थियो।

सन्दर्भतः उहाँले पार्टी एकतामा जोड दिँदै अहिलेको राजनीतिक अवस्थामा ‘एक मनको एकता’ र दृढता आवश्यक भएको बताए–“पार्टी अप्ठ्यारो अवस्थामा छ, त्यसैले सबैले एकजुट भएर अघि बढ्नुपर्छ । असहज अवस्थाबाटै सामना गरेर काम गर्नुपर्छ ।”

ओलीले एकातिर पार्टीभित्रको छलफल र लोकतान्त्रिक प्रक्रियालाई सम्मान गर्नुपर्ने र अर्कोतिर जनता र संगठनद्वारा नै लोकतन्त्र जोगाउनुपर्नेमा जोड दिँदै, सामाजिक सञ्जालमा आएका आवाजलाई निर्णायक नमान्न आग्रह गर्नुभयो ।

केन्द्रीय कमिटी बैठकमा अध्यक्ष ओलीले पार्टी पुनर्गठन, महाधिवेशनको तयारी र आगामी राजनीतिक रणनीतिबारे पनि चर्चा गर्नुभएको जनाइएको छ । ओलीको सम्बोधन र बैठकका निर्णयले आगामी दिनमा पार्टीभित्र र राष्ट्रिय राजनीतिमा असर पार्न सक्ने अपेक्षा गरिएको छ ।