काठमाडौं । नेकपा (एमाले) का अध्यक्ष केपी शर्मा ओलीले आफूले पार्टीको नेतृत्वबाट हट्ने–नहट्ने निर्णय सामाजिक सञ्जालले होइन, पार्टीको आधिकारिक संरचनाले गर्ने बताएका छन्।
मंगलबार बसेको केन्द्रीय कमिटी बैठकलाई सम्बोधन गर्दै अध्यक्ष ओलीले आफू नेतृत्वबाट हट्न तयार रहेको तर त्यसको निर्णय केन्द्रीय कमिटी वा महाधिवेशनले मात्र गर्न सक्ने स्पष्ट पारे।
उनले भने, “मैले हट्नुपर्छ कि पर्दैन भन्ने फेसबुकले होइन, यो कमिटीले भन्नुपर्छ। कमिटीले जसरी भन्छ, त्यसको आदेशमा म जुनसुकै निर्णय गर्न तयार छु।”
ओलीले पार्टीभित्रको आन्तरिक छलफल र निर्णय प्रक्रियालाई सम्मान गर्नुपर्ने बताउँदै संगठनलाई सुदृढ बनाउँदै अघि बढ्न सबैलाई आह्वान गरे।
प्रतिक्रिया