काठमाडौं । नेकपा एमालेको १०औँ केन्द्रीय कमिटी बैठक ललितपुरको जावलाखेल स्थित रामबाग महलमा सुरु भएको छ । अध्यक्ष केपी शर्मा ओलीले सत्ताच्युत भएपछि पहिलो पटक केन्द्रीय कमिटी बैठकलाई सम्बोधन गर्दै समसामयिक राजनीतिक घटनाक्रम र पार्टी रणनीतिमा छलफल गरेका छन् ।

बैठकमा पार्टीको ११औँ महाधिवेशनको मिति र स्थान निर्धारण, नेतृत्व परिवर्तन, पार्टी पुनर्गठन र संसद पुनर्स्थापनासँग सम्बन्धित रणनीतिहरूमा विचार विमर्श हुने जनाइएको छ। अध्यक्षको राजनीतिक प्रतिवेदनपछि क्षेत्रगत रूपमा इच्छुक सदस्यहरूलाई धारणा राख्न अवसर दिइनेछ ।

बैठक तीन दिनसम्म चल्नेछ र यसमा पार्टी एकताको सन्देशसँगै वर्तमान राजनीतिक चुनौतीलाई सामना गर्ने रणनीतिमा विशेष जोड दिइनेछ।