काठमाडौं । नेपाली कांग्रेसमा विशेष महाधिवेशनको माग तीव्र बनेको छ। सभापति शेरबहादुर देउवाविरुद्ध इतर पक्षले सुरु गरेको हस्ताक्षर अभियानमा ५० प्रतिशतभन्दा बढी महाधिवेशन प्रतिनिधिले समर्थन गरेको दाबी गरिएको छ।

केन्द्रीय सदस्य अजयबाबु शिवाकोटीका अनुसार ४७ सयभन्दा बढी महाधिवेशन प्रतिनिधिमध्ये आधाभन्दा बढीले हस्ताक्षर गरिसकेका छन्। उनले भोलिबाट सुरु हुने केन्द्रीय समिति बैठकले मंसिरभित्रै महाधिवेशन गर्ने निर्णय गर्नुपर्ने बताए।

इतर पक्षका नेताहरूले “महाधिवेशनबाहेक अरू कुनै प्रस्ताव स्वीकार्य छैन” भन्दै देउवा नेतृत्वप्रति असन्तोष व्यक्त गरेका छन्।

संस्थापन पक्षले भने हस्ताक्षर अभियानको वैधता र उद्देश्यमाथि प्रश्न उठाउँदै पार्टीभित्र एकता र सहमतिको आवश्यकता रहेको जनाएको छ।