ओस्लो । भेनेजुएलाकी विपक्षी नेता मारिया कोरीना माचाडोलाई २०२५ को नोबेल शान्ति पुरस्कार प्रदान गरिने भएको छ।नोबेल समितिले उनलाई तानाशाहीबाट लोकतन्त्रतर्फ न्यायपूर्ण र शान्तिपूर्ण रूपान्तरणमा योगदान गरेको भन्दै पुरस्कार दिने निर्णय गरेको हो।

गत वर्षको राष्ट्रपति चुनावमा उम्मेदवारी दिन रोकिएका माचाडोले आफ्नो उम्मेदवार एडमुन्डो गोन्जालेजको समर्थनमा विशाल प्रदर्शन गरी विपक्षी एकतामा महत्वपूर्ण भूमिका निभाएकी थिइन्। चुनावमा अनियमितता भए पनि निकोलस माडुरो तेस्रो कार्यकालका लागि निर्वाचित भए।

माचाडो त्यसयता लगभग लुकेर बसिरहेकी छिन्। जनवरीमा भएको विरोध प्रदर्शनमा उनी संक्षिप्त रूपमा पक्राउ परेकी थिइन्, तर पछि रिहा भएकी हुन्।