काठमाडौं । आईसीसी टी- २० विश्वकप एसिया–इस्ट एसिया प्यासिफिक छनोटअन्तर्गत नेपालले विजयी शुरुवात गरेको छ।
बुधबार सम्पन्न पहिलो खेलमा नेपालले कुवेतलाई ५८ रनले पराजित गर्दै सानदार जित हासिल गरेको हो।

टस हारेर पहिले ब्याटिङ गरेको नेपालले निर्धारित २० ओभरमा ७ विकेट गुमाउँदै १४१ रनको योगफल बनाएको थियो।
नेपालका लागि ओपनर कुशल भुर्तेलले ५६ बलमा ६६ रनको अर्धशतकीय योगदान दिए। त्यस्तै, गुल्सन झाले ६ बलमा २० रन, कप्तान रोहित पौडेलले १६, दीपेन्द्रसिंह ऐरीले १९, सन्दीप जोराले ५, कुशल मल्लले ४, र आसिफ शेखले २ रन बनाए।

जवाफी ब्याटिङमा कुवेत १८.१ ओभरमै ८३ रनमा अलआउट भयो । नेपालका बलरहरूले उत्कृष्ट प्रदर्शन गरे -कप्तान रोहित पौडेल, सन्दीप लामिछाने र ललित राजवंशीले समान २-२ विकेट लिए भने नन्दन यादव, कुशल भुर्तेल र सोमपाल कामीले एक–एक विकेट हात पारे। कुवेतका बलर नवीनराज राजेन्द्रन र अनुदीप चन्दमाराले समान २-२ विकेट लिए। नेपालले अब समूह चरणको अन्तिम खेल शुक्रबार जापानसँग खेल्नेछ।