काठमाडौं । नेकपा एमालेका अध्यक्ष केपी शर्मा ओली मंगलबार भक्तपुरको गुन्डुस्थित नयाँ निवासमा सार्वजनिक भएका छन्। प्रधानमन्त्री पदबाट राजीनामा दिएपछि पहिलो पटक देखिएका ओलीलाई भेट्न पार्टीका नेता–कार्यकर्ता ठूलो संख्यामा गुन्डु पुगेका थिए। उनीहरूलाई सम्बोधन गर्दै अध्यक्ष ओलीले जनताको साथ र विश्वासले आफूलाई सधैं अगाडि बढ्न प्रेरणा दिने बताए।

पार्टी नेताहरूले ओलीलाई अझ मजबुत रूपमा अघि बढ्ने आत्मविश्वास दिलाएका थिए। ओलीको राजनीतिक यात्रा कठिन परिस्थितिमा पनि अडिग रहने नेतृत्वको उदाहरण भएको उनीहरूले उल्लेख गरे।

नयाँ निवास गुन्डुमा ओलीको पहिलो उपस्थितिलाई एमालेभित्र पुनः ऊर्जा र संगठन सुदृढीकरणको संकेतका रूपमा हेरिएको छ। नेता तथा कार्यकर्ताहरूले उनको स्वास्थ्य र उत्साहप्रति खुशी व्यक्त गर्दै भविष्यको यात्रामा साथ रहने प्रतिबद्धता जनाएका छन्।