सुर्खेत । रत्न राजमार्गको छिन्चु-धुलियाविट सडक खण्डअन्तर्गत पाडुलेमा भएको सवारी दुर्घटनामा एक मोटरसाइकल यात्रुको मृत्यु भएको छ। लुम्बिनी प्रदेश ०३-००१ प ३६३१ नम्बरको बुलेट मोटरसाइकललाई ना ५ ख ५६०८ नम्बरको ट्रकले ठक्कर दिँदा अन्दाजी २२ वर्षीय पुरुषको मृत्यु भएको हो ।
गम्भीर घाइते ती व्यक्तिको प्रदेश अस्पताल सुर्खेतमा उपचारको क्रममा मृत्यु भएको जनाइएको छ। मोटरसाइकलको पछाडि सवार अछाम पञ्चदेवल विनायक नगरपालिका–४ का १९ वर्षीय दमन शाहीको भने उपचार भइरहेको छ ।
ठक्कर दिने ट्रकलाई छिन्चु प्रहरीले नियन्त्रणमा लिई अनुसन्धान अघि बढाएको छ।
प्रतिक्रिया