काठमाडौं । राष्ट्रपति समक्ष अख्तियार दुरुपयोग अनुसन्धान आयोगको वार्षिक प्रतिवेदन पेश अख्तियार दुरुपयोग अनुसन्धान आयोगले आर्थिक वर्ष २०८१/८२ को वार्षिक प्रतिवेदन आज राष्ट्रपति रामचन्द्र पौडेल समक्ष पेश गरेको छ।

राष्ट्रपति भवन, शीतल निवासमा आयोजित विशेष कार्यक्रममा आयोगका प्रमुख आयुक्त प्रेमकुमार राईले संविधानको धारा २९४ बमोजिम प्रतिवेदन पेश गरेका हुन्। कार्यक्रममा राष्ट्रपतिको सचिवालयका पदाधिकारी, आयोगका अन्य पदाधिकारी तथा सरोकारवालाहरूको उपस्थिति रहेको थियो।

अख्तियारले प्रत्येक वर्ष आफ्नो गतिविधि, अनुसन्धान, मुद्दा दायर, र सिफारिससम्बन्धी विवरणसहितको प्रतिवेदन राष्ट्रपति समक्ष बुझाउँदै आएको छ। प्रतिवेदन सार्वजनिक भएसँगै यसमा उल्लेखित तथ्यांक, सिफारिस र सुझावहरू सार्वजनिक चासोको विषय बन्ने निश्चित छ।