काठमाडौँ । अन्तर्राष्ट्रिय सन्त कालीबाबा (महामण्डलेश्वर स्वामी कृष्णनन्द परमहंश) ले प्रधानमन्त्री सुशीला कार्कीलाई कार्यकालको शुभकामना दिँदै जेन–जी आन्दोलनमा भएको हिंसा र जनधनको क्षतिमा छानबिन गर्न आग्रह गरेका छन्।

भिडियो सन्देशमार्फत कालीबाबाले आन्दोलनका दोषीहरूलाई कानुनी दायरामा ल्याउन र भ्रष्टाचार अन्त्यका लागि शक्तिशाली आयोग गठन गर्न सरकारलाई सुझाव दिएका छन् । पूर्वप्रधानन्यायाधीश कार्कीको नेतृत्वमा शान्ति, समृद्धि र राष्ट्रनिर्माणमा सरकारले सफलता हासिल गर्ने विश्वास व्यक्त गर्दै उनले मन्त्रीहरूलाई पनि राष्ट्रहितमा इमान्दारीपूर्वक काम गर्न आह्वान गरेका छन् । कालीबाबाले आगामी दिनमा नेपालले समृद्ध, शान्त र सुन्दर राष्ट्रको रूपमा आफूलाई स्थापित गर्ने अपेक्षा व्यक्त गरेका छन् ।