काभ्रेपलाञ्चोक । मनसुनका कारण महिनौँदेखि रातको समयमा सवारी आवागमनमा रोक लगाउँदै आएको बीपी राजमार्ग आज (भदौ ३०) देखि २४ सै घण्टा सञ्चालन हुने भएको छ।
जिल्ला प्रशासन कार्यालय काभ्रेपलाञ्चोकमा सोमबार बसेको सुरक्षा समितिको बैठकले चाडपर्वको समय नजिकिँदै गएको र मनसुन कमजोर हुँदै गएकाले राजमार्गमा रातको समयमा लगाइएको रोक हटाउने निर्णय गरेको हो।
बैठकले यात्रुको सहजताका लागि स्वीकृत सडक सुरक्षा कार्ययोजनाअनुसार आवश्यक सावधानी अपनाउँदै राजमार्ग खुला गर्ने निर्णय गरेको सहायक प्रमुख जिल्ला अधिकारी सुदर्शन श्रेष्ठले जानकारी दिए।
प्रतिक्रिया