मुगु । जुम्लाको तातोपानी गाउँपालिकाका चार वडामा एकै भुसिया कुकुरको आक्रमणबाट १४ जना स्थानीय घाइते भएका छन् । आइतबार भएको आक्रमणमा वडा नं. २, ४, ५ र ६ का बासिन्दा घाइते भएका हुन् ।
कुकुरले रेविजको लक्षण देखाएपछि घाइतेहरूको कर्णाली स्वास्थ्य विज्ञान प्रतिष्ठानमा उपचार भइरहेको छ। उपचारका लागि अनिवार्य ‘एमिनो ग्लोबिन’ औषधी जुम्लामा नभएपछि कालिकोटबाट ३२ डोज मगाउने तयारी भइरहेको गाउँपालिका अध्यक्ष नन्दप्रसाद चौलागाईंले जानकारी दिए ।
प्रत्येक डोजको मूल्य एक हजार रुपैयाँ परेको छ भने आवश्यक खर्च गाउँपालिकाले बेहोर्ने भएको छ। कुकुरलाई नियन्त्रणमा लिइएको छ।
प्रतिक्रिया