काठमाडौं । राष्ट्रिय स्वतन्त्र पार्टी (रास्वपा)की सांसद तथा पूर्वसहमहामन्त्री सुमना श्रेष्ठले पार्टी परित्याग गरेकी छन्। आइतबार सामाजिक सञ्जालमार्फत उनले पार्टी छोडेको घोषणा गरेकी हुन् ।
श्रेष्ठले पार्टी नेतृत्वप्रति असन्तुष्टि जनाउँदै लेखेकी छन्, “मैले पार्टी छोडेँ। अब खुला रूपमा आक्रमण गर्ने हो भने सजिलो बनाइदिएको छु ।” उनले रास्वपा नेतृत्वमा व्यक्तिपूजाको प्रवृत्ति बढेको, आलोचना गर्नेलाई मिडिया ट्रायल गरिएको र गल्ती स्वीकार्ने संस्कार नभएको आरोप लगाएकी छन्।श्रेष्ठ सभापति रवि लामिछानेविरुद्धको सहकारी ठगी प्रकरणमा पार्टीले देखाएको संस्थागत समर्थनप्रति पनि असहमति जनाउँदै आएकी थिइन्। उनको सांसद पदबारे अब निर्वाचन आयोगको निर्णय प्रतीक्षित छ।
प्रतिक्रिया