काठमाडौं । क्रिकेट प्रेमीहरूको ध्यान तान्ने एसिया कप २०२५ अन्तर्गत आजको खेलमा भारत र पाकिस्तानबीच रोमाञ्चक भिडन्त हुने भएको छ। खेल यूएईमा नेपाली समयअनुसार राति ८ः१५ बजे सुरु हुनेछ।
समूह ‘ए’ अन्तर्गत भारत र पाकिस्तान दुबै टोलीले प्रतियोगितामा एक–एक खेल खेलेका छन् र दुबैले २ अंक बटुलेका छन्। यद्यपि, रनरेटको आधारमा भारत शीर्ष स्थानमा रहेको छ भने पाकिस्तान दोस्रो स्थानमा छ।
भारतले आफ्नो पहिलो खेलमा आयोजक राष्ट्र संयुक्त अरब इमिरेट्स (यूएई) लाई ९ विकेटले पराजित गर्दै प्रतियोगितामा सशक्त सुरुआत गरेको थियो। अर्कोतर्फ, पाकिस्तानले ओमानलाई ९३ रनको फराकिलो अन्तरले पराजित गर्दै शानदार जित हात पारेको थियो।
प्रतिक्रिया