काठमाडौं । देशभर फैलिएको जेनजी पुस्ताको आन्दोलनको दोस्रो दिन राजधानी लगायत विभिन्न सहरहरूमा प्रदर्शन, तोडफोड र आगजनीका घटनाहरू चर्किंदै गएका छन् । आन्दोलनकारीहरूको मुख्य निशाना राजनीतिक दलहरूका शीर्ष नेताहरू, मन्त्रीहरू र तिनका कार्यालयहरू बनेका छन् ।

आज दिउँसो ललितपुरको च्यासलस्थित नेकपा एमालेको केन्द्रीय कार्यालयमा प्रदर्शनकारीहरूले तोडफोड तथा आगजनी गरेका छन् । आन्दोलनकारीहरूको भीडले कार्यालयको गेट, साइनबोर्ड, र भवनको केही भागमा क्षति पुर्‍याएको छ । कार्यालय परिसरभित्र पार्क गरिएका केही गाडीहरूमा समेत आगजनी गरिएको प्रारम्भिक जानकारी छ ।

सुरक्षाकर्मीहरूले स्थिति नियन्त्रणमा लिन प्रयास गरे पनि भीड अत्यन्त आक्रोशित भएकाले तनावपूर्ण अवस्था सिर्जना भएको थियो । केही समयको झडपपछि प्रहरीले अश्रुग्यास प्रयोग गरी भीड तितरबितर गरेको थियो ।