काठमाडौं । गृह मन्त्रालयको निर्देशन अनुसार काठमाडौं उपत्यकाको प्रहरी कमाण्डमा महत्वपूर्ण फेरबदल भएको छ। प्रमुख डीआईजी ओम रानालाई सुरक्षा व्यवस्थामा देखिएको कमजोरीका कारण जिम्मेवारीबाट हटाइयो ।

उनको ठाउँमा एआईजी दानबहादुर कार्कीलाई निमित्त प्रमुखको रूपमा नियुक्त गरिएको गृह मन्त्रालयका स्रोतले पुष्टि गरेका छन् । सोमबारको प्रदर्शनमा सुरक्षा व्यवस्थामा कमजोरी देखिएको र त्यसको जिम्मेवारी डीआईजी रानाले लिनुपर्ने देखिएपछि यो निर्णय लिइएको बताइएको छ।

नयाँ जिम्मेवारी पाएका एआईजी कार्कीले तत्काल प्रभावमा कार्यभार सम्हाल्नेछन् र उपत्यकामा शान्ति तथा सुरक्षा कायम राख्न प्रतिबद्धता जनाएका छन् ।