काठमाडौं । राष्ट्रपति रामचन्द्र पौडेलले जेन्जी पुस्ताको आजको प्रदर्शनका क्रममा ठूलो संख्यामा जनधनको क्षति भएको घटनामा गहिरो दुःख व्यक्त गरेका छन् ।

उनले घटनामा परी निधन भएका परिवारप्रति समवेदना व्यक्त गर्दै घाइतेहरूको शीघ्र उपचारको लागि सरकारलाई आग्रह गरेका छन्। राष्ट्रपति पौडेलले मुलुकको वर्तमान परिस्थिति प्रति गम्भीर चिन्ता व्यक्त गर्दै भने, “आजको प्रदर्शनका क्रममा ठूलो संख्यामा नागरिकहरू घाइते भएका र केहीको मृत्यु भएको घटनाले मलाई मर्माहत तुल्याएको छ ।”

उहाँले सबै पक्षलाई शान्ति, संयम र सहकार्यका साथ समस्याको समाधान निकाल्न अपिल गर्नुभएको छ। राष्ट्रपति पौडेलले आजको अप्रत्याशित घटनाले देशभरि शान्ति र स्थिरतामा असर नपरोस् भनी सबैको दिमागमा राखेर अघि बढ्न आग्रह गर्नुभएको छ।