काठमाडौं । हिंसात्मक बनेको जेनजी प्रदर्शनमा मृत्यु हुनेको संख्या १७ पुगेको छ। ट्रमा सेन्टरमा थप दुई जनाको मृत्यु भएको अस्पताल स्रोतले जानकारी दिएको छ।

यससँगै उपत्यकाका विभिन्न अस्पतालहरूमा मृत्यु हुनेको संख्या १७ पुगेको हो। ट्रमा सेन्टरमा मात्रै मृतकको संख्या ९ पुगेको छ।

सामाजिक सञ्जाल बन्दको विरोधमा उत्रिएका जेनजी प्रदर्शनकारीहरू गम्भीर घाइते भएका थिए र विभिन्न अस्पतालमा उपचारको क्रममा मृत्यु भएका हुन्।

मृत्यु हुनेहरूको अस्पताल अनुसार विवरण यस प्रकार छ:

• ट्रमा सेन्टरमा ९ जना
• सिभिल अस्पतालमा ३ जना
• केएमसी अस्पतालमा १ जना
• त्रिवि शिक्षण अस्पतालमा १ जना
• एभरेष्ट अस्पतालमा ३ जना

अहिलेसम्म कुल १७ जना प्रदर्शनकारीको मृत्यु भइसकेको छ।