काठमाडौं । सामाजिक सञ्जाल बन्दको विरोधमा भएको जेनजी प्रदर्शनका क्रममा गम्भीर घाइते भएका एक प्रदर्शनकारीको सिभिल अस्पतालमा मृत्यु भएको छ। यससँगै प्रदर्शनमा मृत्यु हुनेको संख्या १४ पुगेको छ।

स्वास्थ्य तथा जनसंख्या मन्त्रालयका स्रोतले जनाएको छ कि उपत्यकाका विभिन्न अस्पतालहरूमा १४ जनाको मृत्यु भएको जानकारी प्राप्त भएको छ। दिउँसो साढे ३ बजेसम्ममा १३ जनाको मृत्यु भइसकेको थियो।

मृत्यु हुनेहरूको विवरण यस प्रकार छ :

• ट्रमा सेन्टरमा ६ जना
• सिभिल अस्पतालमा ३ जना
• केएमसी अस्पतालमा १ जना
• त्रिवि शिक्षण अस्पतालमा १ जना
• एभरेष्ट अस्पतालमा ३ जना

घाइतेहरूको यकिन संख्या र अवस्था भने अहिलेसम्म स्पष्ट भएको छैन।