काठमाडौं । जेन जी आन्दोलनका क्रममा काठमाडौंमा प्रहरीको गोली लागेर मृत्यु हुनेको संख्या ८ पुगेको छ। आन्दोलन नियन्त्रणका क्रममा प्रहरीले चलाएको गोलीबाट प्रदर्शनकारीहरूको ज्यान गएको हो ।

प्राप्त जानकारीअनुसार, राष्ट्रिय ट्रमा सेन्टरमा ५ जना, सिभिल अस्पतालमा २ जना, र एक जनाको घटनास्थलमै मृत्यु भएको पुष्टि भएको छ । प्रहरी स्रोतका अनुसार मृतकहरूको मुचुल्का उठाउन प्रहरी वृत्त जनसेवाबाट टोली खटिएको छ । मृतकको पहिचान खुलाउने काम जारी छ ।

यसबीच, काठमाडौंका प्रमुख जिल्ला अधिकारी छवि रिजालले सार्वजनिक सम्पत्ति तोडफोड भएमा रबरको गोली चलाउन आदेश दिएको खुलेको छ। तर आजको घटनामा प्रहार गरिएको गोली रबरको हो वा प्राणघातक, भन्नेबारेमा अझै स्पष्ट जानकारी आएको छैन । सार्वजनिक स्थानहरूमा अझै पनि तनावपूर्ण अवस्था कायम रहेको छ भने प्रदर्शनकारीहरू र सुरक्षाकर्मीहरूबीच झडप जारी छ ।

सरकारसँग आन्दोलनकारी पक्षले घटनाको निष्पक्ष छानबिन गर्दै दोषीमाथि कडा कारबाही गर्न माग गरेका छन् ।