काठमाडौं । काठमाडौंका प्रमुख जिल्ला अधिकारी छवि रिजालले सार्वजनिक सम्पत्ति संरक्षणका लागि सुरक्षाकर्मीहरूलाई आवश्यक परेमा रबरको गोली चलाउन आदेश दिएका छन् ।

काठमाडौंका प्रमुख जिल्ला अधिकारी छवि रिजालले सार्वजनिक सम्पत्ति संरक्षणका लागि सुरक्षाकर्मीहरूलाई आवश्यक परेमा रबरको गोली चलाउन आदेश दिएका छन् । काठमाडौंका सहायक प्रमुख जिल्ला अधिकारी मुक्ति रिजालका अनुसार, ‘प्रमुख जिल्ला अधिकारीज्यूले सार्वजनिक सम्पत्ति संरक्षणका लागि आवश्यक परेमा बल प्रयोग गर्ने आदेश दिनुभएको छ। सार्वजनिक सम्पत्तिमाथि आक्रमण भएमा सुरक्षाकर्मीहरूले चेतावनी दिएर सामान्य बल प्रयोग गरे पनि गोली चलाउन पाउने अनुमति भएको हो ।’

तर, सहायक प्रमुख जिल्ला अधिकारी रिजालले सोझै कुनै व्यक्तिमाथि गोली प्रहार गर्न आदेश नभएको र रबरको गोली मात्र प्रयोग गर्ने हदसम्म अनुमति दिइएको स्पष्ट पार्नुभयो । हालसम्म कति जनामाथि गोली प्रहार भएको वा कति घाइते भएका छन् भन्नेबारे कुनै आधिकारिक जानकारी सार्वजनिक भएको छैन।

यस आदेशले काठमाडौंमा जारी तनावपूर्ण परिस्थितिमा सुरक्षा र नियन्त्रण कायम गर्न उद्देश्य राखिएको भए पनि यसले पनि विवाद र प्रश्नहरू उठाउने सम्भावना रहेको छ।