काठमाडौं । नेपाल आर्थिक पत्रकार समाज (सेजन) को २७ औं अधिवेशन तथा साधारणसभामा अध्यक्षमा भागवत भट्टराई निर्वाचित भएका छन् । भट्टराईले अध्यक्ष पदका लागि ११० मत पाएका छन् भने उनका प्रतिस्पर्धी विश्वास रेग्मीले ९० र आशा थपलियाले ४१ मत पाएका छन् ।

महासचिवमा कमलकुमार बस्नेत निर्वाचित भएका छन्। बस्नेतले १३९ मत ल्याएका छन् भने अच्युत पुरीले १०४ मत पाएका छन् ।कोषाध्यक्षमा केशु लामिछाने १३३ मतसहित निर्वाचित भएकी छन्, उनको प्रतिस्पर्धी ममता थापाले १०८ मत पाएकी थिइन् ।

सेजनको उपाध्यक्षमा जीवन बस्नेत र सचिवमा शंकर पण्डित निर्विरोध निर्वाचित भएका छन् । सदस्य पदका लागि अर्जुन तामाङ (१४१ मत), कमल धिताल (१८५ मत), भोजराज भण्डारी (१४६ मत), राजु बास्कोटा (१५९ मत) र सिमा तामाङ (१६२ मत) निर्वाचित भएका छन् । नयाँ कार्यसमितिले आगामी कार्यकालका लागि जिम्मेवारी सम्हाल्नेछ ।