एमालेको संगठित सदस्यता ६ लाख ६६ हजार नाघ्यो

काठमाडौं । नेपाल कम्युनिष्ट पार्टी (एमाले)को संगठित सदस्य संख्या ६ लाख ६६ हजार २ सय ५१ पुगेको छ। महासचिव शंकर पोखरेलले प्रस्तुत संगठनात्मक प्रतिवेदनअनुसार यो संख्या १०औँ महाधिवेशनपछि ३० प्रतिशतले वृद्धि भएको हो।

प्रदेशहरूमा सबैभन्दा बढी सदस्य मधेसमा रहेका छन्। हाल पार्टी ६४ हजारभन्दा बढी कमिटीमार्फत सञ्चालनमा छ भने कुल १२ लाख ६९ हजारभन्दा बढी सदस्य एमालेमा आबद्ध छन्।

प्रकाशित मिति : २०८२, २१ भाद्र शनिबार ८ : ३३ बजे