काठमाडौं । अर्थमन्त्री विष्णुप्रसाद पौडेल र विश्व बैंकका दक्षिण एशिया उपाध्यक्ष जोहानेस जुटबीच अर्थ मन्त्रालयमा शिष्टाचार भेट भएको छ । भेटमा आर्थिक सुधार, पूर्वाधार विकास, लगानी प्रवर्द्धन, वातावरण र पर्यटनका विषयमा छलफल भएको थियो ।

अर्थमन्त्री पौडेलले नेपालले नीति र कार्यान्वयनमा सुधार गरेको भन्दै विश्व बैंकसँग मिलेर विकास कार्यक्रम अघि बढाउने प्रतिबद्धता जनाए। उनले वैकल्पिक विकास वित्त विधेयकबारे जानकारी दिँदै निजी क्षेत्रसँगको सहकार्यमा जोड दिए ।

उपाध्यक्ष जुटले नेपालमा आर्थिक वृद्धि दर उच्च राख्न विश्व बैंक सहयोग गर्न तयार रहेको बताए। उनले पूर्वाधार, प्रदूषण न्यूनीकरण र निजी क्षेत्रको सहभागिता आवश्यक रहेको भन्दै लगानी र उत्पादकत्व वृद्धि गर्न सुझाव दिए ।