काठमाडौं । प्रधानमन्त्री केपी शर्मा ओलीले सूचना प्रविधि (आईटी) क्षेत्रमा काम गर्ने दक्ष जनशक्तिलाई सरकारले मासिक दुई लाख रुपैयाँसम्म तलब दिने व्यवस्था गरेको जानकारी दिएका छन् ।
बिहीबार सामाजिक सञ्जालमार्फत शुभ समाचार दिँदै उनले यसले अनलाइन सरकारी सेवा विस्तारमा ढिलासुस्ती, घुसखोरी र कमिसन प्रवृत्तिलाई नियन्त्रण गर्न मद्दत पुग्ने बताए । साथै, यो निर्णयले आईटी क्षेत्रमा दक्ष जनशक्तिको विदेश पलायन रोक्ने विश्वास व्यक्त गरेका छन् ।
प्रधानमन्त्री ओलीका अनुसार यसले सफ्टवेयर प्रणाली विकासको लागत अनुमानलाई यथार्थपरक बनाउने र आईटी पढेका युवाहरूका लागि सुखद् कदम साबित हुनेछ ।
प्रतिक्रिया