काठमाडौं । प्रतिनिधिसभाको राज्य व्यवस्था तथा सुशासन समितिको सभापतिमा कांग्रेसकी ईश्वरी न्यौपाने निर्विरोध निर्वाचित भएकी छन् । सत्ता गठबन्धनको तर्फबाट एकल उम्मेदवारी परेपछि उनको निर्विरोध चयन भएको हो ।
निवर्तमान सभापति रामहरि खतिवडाले निजामती विधेयकसम्बन्धी विवादपछि राजीनामा दिएपछि पद रिक्त भएको थियो। समितिका सदस्यहरूले बैठकमा न्यौपानेलाई खादासहित बधाई दिएका थिए ।
पार्टीको निर्णयअनुसार सुनुवाइ समितिको सभापतिबाट राजीनामा दिई न्यौपानेले उम्मेदवारी दिएकी थिइन् । उनी कांग्रेसको समानुपातिक सांसद हुन् र यसअघि सभामुख पदका उम्मेदवार समेत बनेकी थिइन् ।
प्रतिक्रिया