काठमाडौं । उपप्रधानमन्त्री एवं सहरी विकासमन्त्री प्रकाशमान सिंहले संसद भवन निर्माणको बाँकी रहेको काम समयमा सम्पन्न गराउनेमा प्रश्न उठ्न थालेको बताएका छन् ।

मंगलवार संसद भवन निर्माणसँग सम्बन्धी छलफल गर्दै उनले संसद भवन बनाउन लामो समय वितिसकेको भन्दै ४० प्रतिशतको कामले अड्किएको बताएका हुन् । 

उनले भने, ‘संसद भवन निर्माणको विषयमा सबैको ध्यानकेन्द्रित छ । संसद भवन बनाउन लामो समय लाग्यो । यो सम्पन्न हुने हो कि होइन भन्नेमा प्रश्न उठ्न थालेको छ । बाँकी भएको समयमा सम्पन्न गराउनको लागि ८६ प्रतिशत काम भएको छ । ४० प्रतिशतको काम हात्ती छिर्यो पुच्छर अड्एिको जस्तो भएको छ ।’

मन्त्री सिंहले भवन निर्माणका लागि मन्त्रालयको तर्फबाट गर्नुपर्ने काममा प्रतिवद्ध हुने पनि बताए । उनले रोकिएको कामलाई फुकाएर सम्पन्नतिर जाँदा सबै पक्षलाई राम्रो हुने भन्दै सबै मिलेर काम गर्नुपर्ने बताए ।