काठमाडौं । अमेरिका भ्रमणमा रहेकी उपसभामुख इन्दिरा राना मगरले नेपाली कांग्रेसका नेता शेखर कोइरालालाई फोन गरी कुराकानी गरेकी छन् । कांग्रेस–एमाले गठबन्धनले उनलाई पदबाट हटाउने तयारी थालेपछि राना मगरले कोइरालासँग लोकतन्त्र र कांग्रेसको भूमिकाबारे जिज्ञासा राखेकी हुन्

राना मगरका अनुसार कोइरालाले आफू उनको पक्षमा लागिरहेको बताएका छन्। कांग्रेसले मंगलबार सांसदहरूसँग हस्ताक्षर संकलन गर्दा शेखर पक्षीय केही सांसदहरूले स्पष्ट उद्देश्य नखुलाइकन हस्ताक्षर गर्न नमानेका थिए ।

गत वर्ष पनि राना मगरलाई हटाउने प्रयास भएको थियो, जुन बेला कोइरालाले विरोध गरेका थिए। संवैधानिक परिषदमा उपसभामुखको उपस्थिति सत्तारूढ दलका लागि चुनौती बनेपछि हटाउने रणनीति अघि बढाइएको बताइएको छ ।