काठमाडौं । १९ वर्षअघिको गौर हत्याकाण्ड छानबिन गर्न सर्वोच्च अदालतले दिएको परमादेशविरुद्ध जसपा नेपालले तराई-मधेशका विभिन्न जिल्लामा विरोध प्रदर्शन गरेको छ ।

उपेन्द्र यादव नेतृत्वको जसपाले विराटनगर, जनकपुर, सर्लाही, रौतहट र सप्तरीमा प्रदर्शन गर्दै अदालतको आदेश मधेश आन्दोलनमाथिको प्रहार भएको बताएको छ ।

विराटनगरमा आयोजित प्रदर्शनमा जसपाका अध्यक्ष राजकुमार यादवले आदेशको विरोध गर्दै मधेश आन्दोलनलाई कमजोर पार्ने षड्यन्त्र भइरहेको आरोप लगाए। पार्टीका मधेश प्रदेश अध्यक्ष बालकिशोर यादवले आदेश फिर्ता नभए आन्दोलन चर्किने चेतावनी दिए । सर्वोच्चले २०६४ सालको गौर हत्याकाण्डमा पुनः छानबिन गर्न सोमबार सरकारलाई परमादेश जारी गरेको थियो ।