झापा । प्रेस चौतारी नेपाल झापाले संगठनका संस्थापक अध्यक्ष स्व. नेत्र पाठकको सम्झनामा कान्तिपुरकर्मी पत्रकार रमा दाहाललाई लेखनवृत्ति प्रदान गरेको छ ।

कार्यक्रममा प्रमुख अतिथि बिर्तामोड नगरपालिकाकी नगर प्रमुख पवित्रा महतारा प्रसाईले दाहाललाई सम्मानपत्र प्रदान गर्नुभयो। प्रेस चौतारी झापाको जिल्ला समितिको बैठकले साउन ११ मा गठन गरेको तीन सदस्यीय छनौट समितिको सिफारिसअनुसार दाहाललाई चयन गरिएको हो। समितिमा अध्यक्ष प्रदीप परियार, फाँट इञ्चार्ज मनकुमार गदाल र सचिव युवराज आचार्य थिए ।

पत्रकार दाहालले बाह्रदशी गाउँपालिकामा मुस्लिम र मधेशी समुदायका महिलाहरू न्याय पाउन सकिरहेका छैनन् भन्ने विषयमा समाचार लेखेकी थिइन्। यही उत्कृष्ट कामको आधारमा उनलाई लेखनवृत्ति दिइएको हो ।