कालिकोट । नेकपा एमाले कालिकोट जिल्ला कमिटीको आठौं बैठकले पार्टीको विधान, नीति र सिद्धान्तलाई सुदृढ बनाउने र आगामी रणनीति तय गर्ने निर्णय गरेको छ।
पार्टी अध्यक्ष तुलराज मल्लको अध्यक्षतामा सम्पन्न बैठक सम्पन्न भएको हो । बैठकले दुई कार्यकाल र उमेर हद हटाउने केन्द्रीय कमिटीको निर्णयलाई जायज ठहर गर्दै नेतृत्व निर्माणमा कार्यकर्ताको समर्थन मुख्य आधार हुने निष्कर्ष निकालेको छ। बैठकले आगामी वर्षका लागि संगठन विस्तार, निर्माण र विकास निर्माणमा पार्टी कार्यकर्ता परिचालन सम्बन्धी निर्णय गरेका छन्।
पूर्वराष्ट्रपति विद्यादेवी भण्डारीलाई पार्टी राजनीतिमा सक्रिय हुन नफर्कन सुझाव दिइएको बैठकले स्वागत गरेको छ। बैठकले वर्तमान नेतृत्वलाई निरन्तरता दिनुपर्ने र पार्टीलाई बलियो बनाउने स्पष्ट सन्देश दिएको छ।
प्रतिक्रिया