२०८३, २ मंसिर बुधबार

पाँचखालमा आसफाल्ट प्लान्ट स्थापना विरुद्ध स्थानीयको चर्को विरोध

पाँचखालमा आसफाल्ट प्लान्ट स्थापना विरुद्ध स्थानीयको चर्को विरोध

जबरजस्ती गरे क्षतिको जिम्मेवारी कम्पनीले लिनुपर्नेछ


पाँचखाल । पाँचखाल नगरपालिका–८ मा ऐतिहासिक र धार्मिक महत्व बोकेको सुवर्णेश्वरी महादेव मन्दिर परिसर नजिक आसफाल्ट प्लान्ट स्थापना गर्ने तयारीप्रति स्थानीय बासिन्दाले चर्को विरोध गरेका छन् ।

बन्दन भगवती निर्माण सेवा प्रालिले विगत केही महिनादेखि उद्योग सञ्चालनको तयारी गरिरहेको भए पनि स्थानीयले यसले स्वास्थ्य, वातावरण र धार्मिक सम्पदामा गम्भीर असर पार्ने भन्दै विरोध गरेका हुन् ।

यस क्षेत्रमा बसोबास गर्ने ६७ बगाले थापा घरपरिवारका बासिन्दाले संयुक्त रूपमा जारी गरेको विज्ञप्तिमा भनिएको छ, “उक्त उद्योग वातावरणीय प्रभाव मूल्याङ्कन बिना नै सञ्चालन गर्न खोजिनु कानुन विपरीत मात्र नभई यहाँको धार्मिक र सांस्कृतिक धरोहरका लागि ठूलो खतरा हो।” स्थानीयले कुनै पनि हालतमा यस क्षेत्रमा आसफाल्ट प्लान्ट स्थापना हुन नदिने चेतावनी दिएका छन् । विज्ञप्तिमा उल्लेख छ, “यदि जबरजस्ती प्लान्ट राख्ने प्रयास गरिएमा त्यसबाट हुने सम्पूर्ण क्षतिको जिम्मेवारी कम्पनी र सम्बन्धित निकायले लिनुपर्नेछ।”

धार्मिक, पर्यावरणीय र सामाजिक कारण देखाउँदै स्थानीय बासिन्दाले आफ्नो स्वास्थ्य, वातावरण र भविष्यको सुरक्षाका लागि एकजुट भई आन्दोलन गर्न तयार रहेको बताएका छन् ।

प्रकाशित मिति : २०८२, ३० श्रावण शुक्रबार  ११ : २३ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा