बैतडी । अविरल वर्षासँगै आएको पहिरोका कारण बैतडी र बझाङलाई जोड्ने जयपृथ्वी राजमार्ग आज बिहानैदेखि अवरुद्ध भएको छ।
सिगास गाउँपालिका–९, रमिलापुर क्षेत्रमा पहिरो खस्दा सडक पूर्ण रूपमा बन्द भएको जिल्ला प्रहरी कार्यालय बैतडीका प्रवक्ता बलराम पाण्डेयले जानकारी दिएका छन्। राजमार्ग बन्द हुँदा सवारी आवागमन ठप्प भएको छ र यात्रुहरू बाटोमै अलपत्र परेका छन्। प्रवक्ता पाण्डेयका अनुसार, पहिरो हटाएर सडक खुलाउने प्रयास भइरहेको छ। जयपृथ्वी राजमार्गमा यसअघि पनि पहिरो खस्ने घटना हुँदै आएका थिए।
सम्बन्धित निकायहरूलाई पहिरो पन्छाउने कार्यमा खटाइएको बताइएको छ।
प्रतिक्रिया