२०८२, १४ भाद्र आईतबार

सूर्यविनायकमा नयाँ रंगशाला निर्माणबारे प्रधानमन्त्री ओलीको पहलमा उच्चस्तरीय छलफल

सूर्यविनायकमा नयाँ रंगशाला निर्माणबारे प्रधानमन्त्री ओलीको पहलमा उच्चस्तरीय छलफल


काठमाडौं । प्रधानमन्त्री केपी शर्मा ओलीले भक्तपुरको सूर्यविनायकमा अन्तर्राष्ट्रियस्तरको नयाँ रंगशाला निर्माणका लागि उच्चस्तरीय छलफल गरेका छन् ।

सोमबार प्रधानमन्त्री निवास बालुवाटारमा भएको बैठकमा सूर्यविनायक नगरपालिका, राष्ट्रिय खेलकुद परिषद् (राखेप) र अखिल नेपाल फुटबल संघ (एन्फा) का शीर्ष अधिकारीहरूको सहभागिता रहेको थियो । छलफलका क्रममा प्रधानमन्त्री ओलीले हालको दशरथ रंगशाला दर्शक क्षमताका हिसाबले सानो भएकाले नयाँ रंगशालाको आवश्यकता औंल्याउँदै ठुलो र सुविधासम्पन्न रंगशाला निर्माणका लागि आवश्यक पूर्वाधार र जग्गा व्यवस्थापनमा सरकार गम्भीर रहेको बताए । सूर्यविनायक नगरपालिकाले वडा नम्बर ८ स्थित जगाते क्षेत्रको पुरानो इँट्टा टायल कारखानामा रहेको करिब २०० रोपनी क्षेत्रफलको जग्गा रंगशाला निर्माणका लागि प्रदान गर्ने प्रक्रिया अघि बढाइसकेको जानकारी पनि छलफलमा गराइएको छ।

प्रधानमन्त्री ओलीले सो स्थलमा कम्तीमा ५० हजार दर्शक अट्ने आधुनिक रंगशाला निर्माण गर्ने घोषणा गरेका छन्। बैठकमा सूर्यविनायक नगरप्रमुख वासुदेव थापा, राखेपका सदस्यसचिव टङ्कलाल घिसिङ, एन्फा अध्यक्ष पङ्कजविक्रम नेम्वाङ लगायतको उपस्थिति रहेको थियो ।

सरकारको यो पहलले राजधानी क्षेत्रमै अर्को प्रमुख खेलकुद पूर्वाधार विकास हुने अपेक्षा गरिएको छ। छलफल सकारात्मक रहेको र आवश्यक प्राविधिक तथा प्रशासनिक प्रक्रिया चाँडै अघि बढाइने जानकारी सहभागी निकायहरूले दिएका छन् ।

प्रकाशित मिति : २०८२, १२ श्रावण सोमबार  ११ : ४२ बजे

पहिरोले कर्णाली राजमार्ग र देहिमाडौं–गिरेगडा सडक अवरुद्ध

जुम्ला । शनिबार राति परेको अविरल वर्षापछि कर्णाली राजमार्ग अन्तर्गत

एमाले नेतृ नविना लामालाई पितृशोक, पूर्व गाविस अध्यक्ष माणिक लामाको निधन

काठमाडौं । नेकपा एमाले केन्द्रीय सदस्य तथा प्रतिनिधिसभाकी पूर्व सदस्य

मर्चवार भयो एमालेमय, समृद्धिको जिम्मा अब एमालेले लिन्छ : अर्थमन्त्री पौडेल

रुपन्देही । नेकपा (एमाले) का उपाध्यक्ष र उपप्रधानमन्त्री विष्णु प्रसाद

पूर्वराष्ट्रपति राष्ट्रको अभिभावक, भावी अध्यक्षमा पनि ओली नै : प्रदीप ज्ञवाली

काठमाडौं । नेकपा एमालेका उपमहासचिव प्रदीप ज्ञवालीले पूर्वराष्ट्रपति विद्यादेवी भण्डारीको

प्रधानमन्त्री ओली र चिनियाँ राष्ट्रपति सीबीच भेटवार्ता, तस्वीरहरू

काठमाडौं । प्रधानमन्त्री केपी शर्मा ओली र चिनियाँ राष्ट्रपति सी