२०८३, ३० कार्तिक सोमबार

बागमती प्रदेशसभा बैठक पुनः सारियो, माओवादीको अडानले संसद अवरुद्ध

बागमती प्रदेशसभा बैठक पुनः सारियो, माओवादीको अडानले संसद अवरुद्ध


हेटौंडा । शुक्रबार साँझ बस्न नसकेको बागमती प्रदेशसभा बैठक आज दिउँसो १ बजेका लागि बोलाइएको भए पनि पुनः ३ बजेका लागि सारिएको छ। बैठक सारिनुको कारण प्रतिपक्ष दलहरुले बजेटको पुरक प्रस्ताव संसदमा ल्याउनुपर्ने अडान हो।

माओवादी केन्द्रका प्रमुख सचेतक रत्नप्रसाद ढकालले सरकारलाई पुरक प्रस्तावबिनाको बैठक चल्न नसक्ने स्पष्ट पारेका छन्। उनका अनुसार सरकारले ल्याएको बजेट कार्यक्रममा छुटेका विषयहरु समेटेर पुरक प्रस्ताव ल्याउन माग गरिएको हो। शुक्रबारदेखि नै सरकारसँग निरन्तर छलफल भैरहेको उनले बताए।

मुख्यमन्त्री बहादुर सिंह लामा तामाङको सचिवालयका अनुसार संसदमा दर्ता भएको संकल्प प्रस्तावमा पुरक प्रस्ताव समावेश गर्ने तयारी भइरहेको छ। सोही प्रस्तावलाई संसदले पास गरी सरकारलाई निर्देशन दिने र बाँकी कार्यक्रमहरु कार्यान्वयन गरिने योजना बनाइएको छ।

तर, प्रदेश सरकारका आर्थिक मामिला तथा योजना मन्त्री कुन्दनराज काफ्लेले भने प्रतिपक्षको माग अनुसार तुरुन्तै पुरक प्रस्ताव ल्याउने सम्भावना नदेखिएको बताएका छन्। उनले संसद चलाउने विषयमा अझै स्पष्ट निष्कर्ष ननिस्किएको बताएका छन्।

माओवादी केन्द्रको कडा अडान र सरकारसँगको समन्वयको प्रयासबीच बागमती प्रदेशको संसदिय गतिरोध समाधान हुने वा थप जटिल बन्ने भन्ने प्रश्न खुलै छ।

प्रकाशित मिति : २०८२, २१ असार शनिबार  ३ : ५२ बजे

कुनै पनि देश अर्को देशको सम्मान गर्न नसक्ने गरी शक्तिशाली नबनोस्: प्रचण्ड

काठमाडौं । नेपाली कम्युनिस्ट पार्टीका संयोजक तथा पूर्वप्रधानमन्त्री पुष्पकमल दाहाल

एमालेको राष्ट्रिय भेला: स्थानीय तहको निर्वाचनमा केन्द्रित हुने, सहभागीबाट लिखित सुझाव अनिवार्य

काठमाडौं । नेकपा एमालेको राष्ट्रिय भेलामा केन्द्रीय नेतृत्वदेखि पालिका तहसम्मका

बल्खुमा छठ पर्वको उल्लास, उपराष्ट्रपतिको विशेष उपस्थिति

काठमाडौं। छठ पर्वको पावन अवसरमा बल्खु तराई समाजद्वारा कुमारी क्लबमा

अमेरिकामा सबै हवाई उडान किन रोकिए ?

काठमाडौ। अमेरिकी हवाई उड्डयन प्रशासन (FAA) ले प्राविधिक तथा सञ्चार

देउसी-भैलोका नाममा हुने अमर्यादित गतिविधि रोक्छौं : गृहमन्त्री

काठमाडौं । गृहमन्त्री सुधन गुरुङले चाडपर्वका नाममा हुने अश्लील तथा