काठमाडौं: नेकपा (एमाले)का महासचिव शंकर पोखरेलले पूर्वप्रधानमन्त्री पुष्पकमल दाहाल ‘प्रचण्ड’ मा सत्ता नहुँदाको पीडा र छटपटी बढेको भन्दै सरकारका उपलब्धिहरू सार्वजनिक गर्नुभएको छ । प्रचण्डले ‘सरकार डरले रुझेको बिरालो जस्तै बनेको’ भन्दै दिएको अभिव्यक्तिको जवाफ दिँदै उहाँले सरकारका १२ बुँदे उपलब्धि सार्वजनिक गर्नुभएको हो ।
‘प्रचण्डजी, के बोल्दै हुनुहुन्छ ?’ भनेर प्रश्न गर्दै उनले आर्थिक, पूर्वाधार, कानूनी सुधारदेखि सरकारको स्थायित्वसम्मका विषय उठाउँदै, ओली सरकारको कार्यकालमा ‘उल्लेख्य प्रगति’ भएको दाबी गर्नुभएको हो ।
पोखरेलको नजरमा ओली सरकारका उपलब्धि
राजश्वमा उल्लेख्य वृद्धि भएको छ ।
विदेशी मुद्राको सञ्चिति बढेको छ ।
सोधनान्तर स्थितिमा उल्लेख्य बचत छ ।
निर्माण व्यावसायीलाई काम बापतको भुक्तानी प्रदान गरिएको छ ।
निर्माण ठप्प रहेका ठुला आयोजनाहरूको काममा तीव्रता आएको छ । जस्तो पोखरा-मुग्लिङ सडक, गैँडाकोट-बुटवल सडक आदी ।
भूकम्प र बाढी पीडितका क्षतिग्रस्त आवास निर्माणका लागि श्रोतको व्यवस्था भएको छ ।
बैङ्कको तरलता वृद्धि भएको छ । ब्याजदर घटेको छ । लगानी वृद्धि हुन थालेको छ ।
कानून निर्माणको कामले तीव्रता पाएको छ ।
कानूनी सुधारको प्रक्रियाबाट लगानी योग्य वातावरण तयार भएको छ ।
क़ानून कार्यान्वयन गर्ने निकायले विना हस्तक्षेप काम गर्ने वातावरण तयार भएको छ ।
भूमि समस्याको समाधानको प्रक्रिया अघि बढेको छ ।
सरकारको स्थायित्वको आधार तयार भएको छ ।
प्रतिक्रिया