२०८२, ३१ भाद्र मंगलबार

केही समय लागेपनि राजनीतिको नेतृत्व पछिल्लो पुस्ताले नै लिन्छन् : मन्त्री पौडेल

केही समय लागेपनि राजनीतिको नेतृत्व पछिल्लो पुस्ताले नै लिन्छन् : मन्त्री पौडेल


काठमाडौं । स्वास्थ्य तथा जनसंख्या मन्त्री प्रदिप पौडेलले केही समय लागेपनि राजनीतिको नेतृत्व पछिल्लो पुस्ताले नै लिने बताएका छन् ।
बुधबार काठमाडौंमा आयोजित कार्यक्रममा उनले केही समय लागे पनि अन्त्यमा नेतृत्व नयाँ विषय ल्याउनेहरु कै पक्षमा जाने भन्दै राजनीतिको नेतृत्व पछिल्लो पुस्ताले नै लिने बताएका हुन् ।
उनले भने, ‘यो मुलुकमा धेरै काम गर्नुपर्ने छ, तर गर्न सकिदैँन् भन्दै पलायन हुने होईन गर्न सकिन्छ भनेर अगाडि बढ्नु पर्छ । समस्याको समाधान दिने हिसाबले नेतृत्वमा आउनु, जतिले चाहे पनि राजनीतिको नेतृत्व पछिल्लो पुस्ताले नै लिन्छ । केही समय लाग्न सक्छ तर अन्त्यमा नेतृत्व नयाँ विषय ल्याउनेहरु कै पक्षमा जान्छ ।’
यस्तै, उनले विद्यार्थी आन्दोलनले साझा मुद्दा पहिचान गरेर त्यसको आधारमा अगाडि जाने अवस्था भयो भने राज्यमाथि पनि सकारात्मक हस्तक्षेप गर्न सक्ने बताए ।
उनले भने, ‘विद्यार्थीहरुले साझा मुद्धा निर्माण गरेर सँगसँगै जाने वातावरण निर्माण गर्नुपर्छ । नेपालमा २०४७ साल, २०६२, ६३ सालको आन्दोलनमा सधैँ लोकतन्त्रवादी विद्यार्थी संगठनहरु आपसमा मिलेर अगाडि बढेको अवस्था थियो । त्यसकारण वर्गीय मुद्धा प्राप्त गर्नका लागि विद्यार्थी संगठनहरु बीच एकता कायम गर्न सक्नु पर्छ । साझा मुद्धा पहिचान गरेर त्यस आधारमा अगाडि जाने अवस्था भयो भने विद्यार्थी आन्दोलनले राज्यमाथि पनि सकारात्मक हस्तक्षेप गर्न सक्छ ।’
परम्परागत रुपमा गलत मान्यताका आधारमा विकसित भएका कतिपय कुराहरुलाई अन्यत गर्नका लागि विद्यार्थी आन्दोलनले महत्वपूर्ण भूमिका खेल्ने उनको भनाई छ ।
उनले भने, ‘परम्परागत रुपमा गलत मान्यताका आधारमा विकसित भएका कतिपय कुराहरुलाई अन्यत गर्नका लागि विद्यार्थी आन्दोलनले महत्वपूर्ण भूमिका खेल्न सक्छ त्यसैले सामाजिक क्षेत्रमा सामाजिक वेतिथिलाई अन्त्य गर्नको लागि समाजमा सुधार गर्नको लागि विद्यार्थी आन्दोलनले धेरे ठूलो भूमिका खेल्न सक्छ ।’
यसको साथै, उनले विद्यार्थी आन्दोलन सामाजिक मुद्धा, जनताको मुद्धा र विद्यार्थी समुदायको मुद्धाहरुको बारेमा बोल्नुको साथै वेतिथि र विसंगतिको विरुद्ध प्रहार गर्ने पनि बताए ।

प्रकाशित मिति : २०८२, २४ बैशाख बुधबार  ३ : ०६ बजे

पाथीभारा माताको दर्शन गरौ

पाथीभारा देवी मन्दिर पूर्वी नेपालको ताप्लेजुङ जिल्लामा अवस्थित एक प्रमुख

आजदेखि बीपी राजमार्ग २४ सै घण्टा सञ्चालनमा

काभ्रेपलाञ्चोक । मनसुनका कारण महिनौँदेखि रातको समयमा सवारी आवागमनमा रोक

आन्दोलनको क्रममा लुटिएको हतियारसहित दुई जना पक्राउ

जनकपुर । जनकपुरधाममा जारी जेनजी आन्दोलनको क्रममा लुटिएको हतियारसहित दुई

आजको विदेशी मुद्राको विनिमय दर सार्वजनिक, अमेरिकी डलर १४१ रुपैयाँ नाघ्यो

काठमाडौं । नेपाल राष्ट्र बैंकले आज (मंगलबार) का लागि विदेशी

देशभर वर्षा सम्भावित, केही क्षेत्रमा भारी वर्षाको चेतावनी

काठमाडौ । हाल सक्रिय रहेको मनसुन प्रणालीका कारण देशभर विभिन्न