काठमाडौं । नेकपा एमालेले गणतन्त्रको पक्षमा जागरण सन्देश दिन देशव्यापी जागरण र्‍याली गरेको छ।
राजावादीहरुको अराज गतिविधि बढ्दै गएकाले त्यसलाई चुनौती दिनका लागि भन्दै एमालेले देशव्यापी रुपमा आफ्ना नेता तथा कार्यकर्तालाई सडकमा शक्ति प्रदर्शनको लागि उतारेको हो।

देशभरका जिल्ला सदरमुकाम र प्रमुख सहरहरूमा गणतन्त्रका पक्षमा जागरणसभा र मोटरसाइकल र्‍याली गरिएको हो। आज एमालेले राजतन्त्रवादीको भण्डाफोर र गणतन्त्रको पक्षमा जागरण सन्देश दिन काठमाडौं उपत्यकामा गरिएको मोटरसाइकल र्‍याली गरेको हो। काठमाडौंको तीनकुनेबाट सुरु भएर भक्तपुरको सल्लाघारीसम्म पुगेर समापन गरेको हो ।

जनकपुरधामबाट एमालेको उद्घोष :  राजतन्त्र फर्किन असम्भव

नेकपा एमालेले जनकपुरधाममा वृहत मोटरसाइकल ¥याली निकालेको छ । गणतन्त्रको पक्षमा तथा एमालेको सांगठानिक गतिविधिलाई सशक्त बनाउने उद्देश्यले पार्टी सोमबार पार्टीले वृहत मोटरसाइकल ¥याली निकालेको छ ।

करीब पाँच हजारको संख्यामा जिल्ला अदालतस्थित पार्टी कार्यालयबाट निकालिएको मोटरसाइकल र्याली नगर परिक्रमा गरी तिरहुतिया गाछी पुगेर समापन भएको थियो ।

¥यालीमा जनकपुरधामका सबै वडा कमिटीका सदस्यहरू, पार्टीका युवा कार्यकर्ता, स्थानीय नेता तथा समर्थकहरू सहभागिता रहेको थियो । ¥यालीमा सहभागीहरुले नेकपा एमाले जिन्दावाद, हत्यारालाई कारबाही गर लगायतका नारा लगाएका थिए ।

¥यालीपछि एमाले नेता उमाशंकर अरगरियाले पूर्वराजाको गतिविधी, हत्या, हिंसा, लुटपाट जस्ता घटनाहरुप्रति सजग गराउनका लागि ¥याली निकालिएको जानकारी दिए ।

नेता अरगरियाले लोकतन्त्रका लागि जनताहरु पूर्ण रुपमा जागरुक रहेको भन्दै गणतन्त्र पक्षधरहरुले ¥याली निकालेको बताए । देशमा फेरी राजतन्त्र आउन असम्भव रहेको उनले दाबी गरे ।

रामेछापमा एमालेले निकाल्यो गणतन्त्रको पक्षमा सचेतना ¥याली

नेकपा एमाले रामेछापले सदरमुकाम मन्थलीमा सोमबार गणतन्त्रको पक्षमा सचेतना ¥याली निकालेको छ ।

प्रतिगामी तथा अराजक प्रवृत्तिका विरुद्ध नागरिकलाई सचेत गर्न एमालेले जनप्रदर्शन गरेको हो । मन्थली स्थित पार्टी कार्यालयबाट सुरु भएको ¥याली बजार परिक्रममा गरेर कोण सभामा परिणत भएको थियो ।

पार्टी कार्यालयबाट देवकोटा चोक, बिपी चोक हुँदै मदन आश्रित चोकसम्म जनप्रदर्शन गरिएको पार्टी सचिव प्रकाशकुमार कार्कीले जानकारी दिए । प्रदर्शनमा सहभागी एमालेका नेता कायकर्ताहरूले पूर्वराजा ज्ञानेन्द्र शाह र निरङ्कुशता विरुद्धमा नारा लगाएका थिए ।

¥याली पछि देवकोटा चोकमा आयोजित कोण सभामा बोल्दै पार्टी पोलिटब्युरो सदस्य एवं रामेछाप जिल्ला इञ्चार्ज कमलप्रसाद चौलागाईँले अब निरङ्कुशता कुनै पनि हालतमा सम्भव नभएको बताए ।

एमाले र पार्टी अध्यक्ष केपी शर्मा ओलीले संविधानको सर्वोच्चता, देशको स्वाभिमान, स्वतन्त्रता र समृद्धिको पक्षमा काम गरेपछि त्यसलाई असफल गराउन अहिले देशी विदेशी शक्ति लागेको उनले स्पष्ट पारे । यस्ता शक्तिलाई गणतन्त्रका पक्षधरहरूले सामूहिक प्रतिवाद गर्नुपर्नेमा उनले जोड दिए ।

कोण सभालाई पार्टी केन्द्रीय कमिटी सदस्य गीता कार्की, प्रदेश कमिटी सचिवालय सदस्य एवं स्कुल विभाग प्रमुख शान्तिप्रसाद पौडेल र जिल्ला कमिटी अध्यक्ष पुरुषोत्तम कडरियाले सम्बोधन गरेका थिए ।